ლევან ვასაძის თქმით, აპირებს, სიცოცხლის ბოლო წუთამდე ემსახუროს ქართულ ტრადიციებს.
„სირცხვილი საქართველოს, უსირცხვილო მთავრობას ამ ისტორიული შერცხვენისთვის ჩვენი ღირსების, ქართული ტრადიციების. ამ პოლიციელებს მივმართავ, როგორ უნდა მიუჭახუნოთ ჭიქა და საქართველოს სადღეგრძელო როგორ უნდა დალიოთ, ბიჭებო, რა ხელფასად გიღირთ ეს.
რვა შვილის მამა ვარ, დავბრუნდი ჩემს სამშობლოში, რომ სიწმინდეს ვემსახურო, სამშობლო გადავარჩინო, მისი ტრადიციები შევინარჩუნო და სიმწრის, დაცინვის და ცინიზმის მეტი ვერაფერი ვნახე. ცარიელი თვალები, ამორეცხილი ნამუსი და სალაფავში ჩარგული დინგები. რა გინდათ, რომ თქვენი შვილი გამოვიდეს, ბიჭებო, ასეთ კინოში მოსიარულეები გინდათ? იმდენი თქვენ რა გითხარით, რომ არ გინდათ და ნუ იმართლებთ თავს, ბრძანება გვაქვსო, უნამუსო ბრძანებების შემსრულებელს არ გაუხარია არასდროს და არ გაიხარებს, გაშოროთ თქვენ ღმერთმა, რას გვეჯიკავებით, თქვე კაი ხალხო, ვდგავართ აქვე, ვლოცულობთ, ვაპროტესტებთ და გვეთამაშებით პინგ-პონგს და იღრიჯებით, როგორ არ გრცხვენიათ“, – მიმართა მან პოლიციას.