ფოთის საკრებულოს თავმჯდომარე ირაკლი კაკულიასა და მასთან ერთად დაკავებულ პირებს ბრალს ოფიციალურად დღეს წარუდგენენ. ამის შესახებ დაკავებულთა ადვოკატმა ნუგზარ ტყებუჩავამ განაცხადა.
ადვოკატის ინფორმაციით, აღკვეთის ღონისძიების შეფარდებასთან დაკავშირებით სასამართლო პროცესი სავარაუდოდ ხვალ გაიმართება.
ფინანსთა სამინისტროს საგამოძიებო სამსახურმა გუშინ, სასამართლოს განჩინების საფუძველზე 4 პირი დააკავა, რომელთაგანაც: 3 მოქმედი, ერთი კი ყოფილი საჯარო მოხელეა. მათ შორის ქ. ფოთის მუნიციპალიტეტის ყოფილი მერი და ამჟამინდელი საკრებულოს თავმჯდომარე.
გამოძიება მათ მართლსაწინააღმდეგო მისაკუთრების მიზნით დიდი ოდენობით სახელმწიფო ქონების თაღლითურად დაუფლებას, სახელმწიფო ქონების გაფლანგვა, განსაკუთრებით დიდი ოდენობით ქრთამის აღებას, სამსახურებრივი უფლებამოსილების ბოროტად გამოყენებას, სამსახურებრივი გულგრილობას და ყალბი საანგარიშსწორებო დოკუმენტის დამზადება-გამოყენებას ედავება.
მომხდართან დაკავშირებით გამოძიება, საქართველოს სისხლის სამართლის კოდექსის 180-ე, 182-ე, 338-ე, 332-ე, 342-ე და 210-ე მუხლებით დაიწყო, რაც სასჯელის სახით ითვალისწინებს თავისუფლების აღკვეთას 11-დან 15-წლამდე ვადით.