გია ვოლსკი ოპოზიციონერ დეპუტატებს იმ პარტიის წარსულ საქმიანობას ახსენებს, რომელსაც ისინი წარმოადგენენ.
“ძალიან შემაძრწუნებელი იყო, რასაც ვუყურე. ადამიანები არიან იმ პოლიტიკურ ძალაში, თვითონ არ ჩაუდენიათ, მაგრამ სისხლი დაღვარეს, ძალიან დიდი რაოდენობით ადამიანი გააუბედურეს. დღეს ისე იქცევიან, გეგონება დემოკრატიის ერთადერთი მაძებრები არიან და თანაც ევროპის ეგიდით. ეს არის სირცხვილი,“ – თქვა გია ვოლსკიმ და განაცხადა, რომ ირაკლი შოთაძის მეორედ გენერალურ პროკურორად დანიშვნის შემთხვევაში, მთავარი საგამოძიებო უწყება პოლიტიკური გავლენებისგან თავისუფალი იქნება.
აქვე, ვოლსკი წინა ხელისუფლებისდროინდელ პროკურატურას იხსენებს და ამბობს, რომ უწყებას კონტროლის არანაირი მექანიზმი არ გააჩნდა და ისე მოქმედებდნენ, როგორც თავად სურდათ.
კომენტარები