პარლამენტში ირაკლი შოთაძეს უსმენენ. პარლამენტის ფრაქცია “დამოუკიდებელი დეპუტატების” წევრი ლევან გოგიჩაიშვილი დაინტერესდა თუ რატომ ვერ მოახერხა ირაკლი შოთაძემ მიხეილ სააკაშვილის, მეგის ქარდავას, დავით კეზერაშვილისა და ერეკლე კოდუას დაპატიმრება.
“ვფიქრობ ჩემს გამოსვლაში სინაზის კომპონენტი არ იქნება. კი, რა თქმა უნდა, ჩვენ ყველანი ვძრახავთ ამ ადამიანების 9 წლიან სისხლიან რეჟიმს, მაგრამ 6 წელი ვის ემსახურებოდით, დიდი ბოდიში, ვის პროკურატურაში მუშაობდით? შემთხვევით ბატონი ადეიშვილის პროკურატურაში ხომ არ მუშაობდით? მიგაჩნიათ თუ არა, რომ ეს არის მინიმუმ საპროკურორო ეთიკის დარღვევა, როდესაც ორი კერძო პირის საქმის გარჩევას ესწრება გენერალური პროკურორი. მე მინდა შეგახსენოთ, რომ გენერალური პროკურორი, სანამ არის ის ამ მანდატის მატარებელი, არის გენერალური პროკურორი სულ, დილითაც, ღამითაც. რატომ არ ზის ციხეში სააკაშვილი? კოდუა რატომ არ ზის ციხეში? კეზერაშვილმა, რომელმაც მილიარდი წაიღო ამ ქვეყნიდან, ციხეში რატომ არ ზის? მეგის ქარდავა რატომ ვერ ჩამოიყვანეთ უკრაინიდან?” – მიმართა ლევან გოგიჩაიშვილმა ირაკლი შოთაძეს.