ტელეკომპანია “იმედის” დაკვეთით ჩატარებულ კვლევებში, გამოკითხულთა 38% საქართველოს პრემიერ-მინისტრის გიორგი კვირიკაშვილისადმი კეთილგანწყობილია, ხოლო 23% – არაკეთილგანწყობილი.
კვლევის დროს, ამომრჩეველს ჰკითხეს, როგორ არიან განწყობილი კონკრეტული პოლიტიკოსის მიმართ.
შედეგების მიხედვით, “ნაციონალური მოძრაობის” ლიდერის დავით ბაქრაძის მიმართ გამოკითხულთა 30% კეთილგანწყობილია, 38% -არ არის კეთილგანწყობილი.
რაც შეეხება სხვა პოლიტიკურ ლიდერებს, გამოკითხულთა 23% კეთილგანწყობილია პაატა ბურჭულაძის მიმართ, 37% ის არ მოსწონს.
გამოკითხულთა 23% დადებითად აფასებს შალვა ნათელაშვილს, ხოლო 39% არაკეთილგანწყობილია მის მიმართ.
გამოკითხულთა 20%-ს მოსწონს ირაკლი ალასანია, მის მიმართ არაკეთილგანწყობილია 38%.
ირმა ინაშვილის მიმართ კეთილგანწყობილია 15%, ხოლო 43%-ის ის არ მოსწონს.
გამოკითხულთა 13% კეთილგანწყობილია ნინო ბურჯანაძის მიმართ, ხოლო 58% არაკეთილგანწყობილია.
კვლევა ტელეკომპანია “იმედის” დაკვეთით კომპანია “ჯეი პი ემმა” ჩაატარა.
კვლევის დროს 1200 ადამიანის პირისპირ ინტერვიუს საშუალებით გამოიკითხა. კვლევა 18-27 აგვისტოს ჩატრდა. ცდომილებაა 2,8 პროცენტი.