საჩხერის სამედიცინო ცენტრში კორონავირუსის დიაგნოზით 4 პაციენტი რჩება. სამედიცინო ცენტრის მენეჯერის ინფორმაციით, მათგან შედარებით მძიმეა ახალგაზრდა მამაკაცის მდგომარეობა, რომელიც ესპანეთში მოგზაურობის ისტორიით, ცენტრში სამი დღის წინ შეიყვანეს.
ორი კვირის წინ შესული 3 პაციენტის მდგომარეობა დამაკმაყოფილებელია. მათ განმეორებითი ანალიზი ჩაუტარდება და უარყოფითი პასუხის შემთხვევაში კლინიკას დატოვებენ.
რაც შეეხება საჩხერის საკარანტინო ზონას, იქ 62 ადამიანია მოთავსებული, მათგან 28 აზერბაიჯანის მოქალაქეა, რომლებიც საჩხერესა და ჭიათურაში მარნეულის გავლით მოხვდნენ. რამდენიმეს ვირუსისთვის დამახასიათებელი სიმპტომები აქვთ და მათ ანალიზებს აუღებენ.
კომენტარები