მინდა გავამხნევო საქართველოს ხელისუფლება, ექიმები, ყველა ის ადამიანი, ვინც ამ რთულ პერიოდში წინა ხაზზეა. ესენი არიან ადამიანები, რომლებიც გადაწყვეტილებებს იღებენ, – ამის შესახებ „ვისოლ ჯგუფის“ დამფუძნებელმა, სოსო ფხაკაძემ „ტვ პირველის“ ეთერში განაცხადა.
მისი თქმით, ხელისუფლებას და ექიმებს ურთულეს პირობებში უწევთ ყოველდღიურ რეჟიმში მუშაობა და მათ გამხნევება და თანადგომა სჭირდებათ.
ეს ურთულესი ვითარება თითოეულ ჩვენგანზე მოქმედებს, მაგრამ სტრესის იმ ადამიანებისთვის, რომლებიც მნიშვნელოვან გადაწყვეტილებებს იღებენ, წარმოიდგინეთ, რამდენად დიდია. მათ ხომ ყოველდღიურ რეჟიმში ურთულეს პირობებში უწევთ მუშაობა და ამიტომაც, მინდა გავამხნევო. ახლა ალბათ, ყველაზე საჭირო დროა სოლიდარობისთვის”, – განაცხადა სოსო ფხაკაძემ.
ბოლო მონაცემებით, კორონავირუსი ქვეყანაში უკვე 67 ადამიანს დაუდასტურდა. მათგან სულ გამოჯანმრთელდა 9 პაციენტი. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა.