“სააკაშვილის მთავრობას სიტუაციის აყირავება უნდა”

სააკაშვილის მთავრობა მხოლოდ ამას უკიჟინებს საკუთარ თანაგუნდელებს, რომ როგორმე სატუაცია ააყირაონ, – განაცხადა ბიძინა ივანიშვილმა ტელეკომპანია GDS-ის გადაცემაში „შეხვედრები რეგიონულ მედიასთან“.

 

მისივე თქმით, „ნაციონალურ მოძრაობას“  უნდა,  რომ სიტუაცია ააყირაონ, მაგრამ ამას ვერ მოახერხებენ.

„მათ არ უნდათ რომ ეს არჩევნები სწორედ გაფორმდეს და უნდათ, რომ როგორმე სიტუაცია ააყირავონ, მაგრამ ამას ვერ მოახერხებენ, ამის საფუძველია ისევ საზოგადოების სიფხიზლე და „ქართულ ოცნებას“ კიდევ მოვუწოდებ რაც შეიძლება მეტი კამერა და მეტი ურთიერთობა ჟურნალისტებთან, ყველა ქუჩაში კამერა უნდა დაყენდეს. დღევადნელ ხელისუფლებას არცერთ შემთხვევაში არ აწყობს რაიმე კაზუსი რომ მოგვივიდეს, ჩვენ უნდა ევროპელებს დავუმტკიცოთ, რომ ჩვენ ვართ ჭეშმარიტად ევროპელები“, – განაცხადა ბიძინა ივანიშვილმა.