თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, კორონავირუსით ინფიცირებული ორი ახალი შემთხვევიდან ერთი 10 წლის ბავშვია, რომელიც ამ წუთებში ბათუმიდან თბილისში გადმოჰყავთ.
„დადასტურებული პაციენტი გადმოყავთ ახლა ბათუმიდან მშობელთან ერთად. ეს არის 10 წლის ბავშვი. მისი ისტორია ჩემთვის არ არის ცნობილი. როცა მე მივიღებ პაციენტს, ჩემთვის ცნობილი გახდება ისტორია და შემდეგ ვისაუბრებ. მშობელს უარყოფითი აქვს, მხოლოდ ბავშვს აქვს დადებითი, მაგრამ ალბათ ერთად იყვნენ. ყოველ შემთხვევაში, ამ ეტაპზე ჯერჯერობით ბავშვი არის დადასტურებული, შესაძლებელია მომავალში დადასტურდეს მშობელზე ან არ დადასტურდეს. არ არის სავალდებულო ეს ვარიანტი“ , – განაცხადა ეზუგბაიამ.
რაც შეეხება მეორე დადასტურებულ შემთხვევას, ეზუგბაია ამბობს, რომ ინფიცირებული სომხეთიდან ჩამოსული პაციენტია.