თუ ადამიანი არის ავად, არ იცის ამის შესახებ და მოვა ეკლესიაში, ის განიკურნება,- ამის შესახებ საჩხერისა და ჭიათურის მიტროპოლიტმა, მეუფე დანიელმა განაცხადა.
„ადამიანები, რომლებიც სულიწმინდის მადლით არიან აღვსილნი, როდესაც ეკლესიის გარეთ გადიან, ავრცელებენ სულიწმინდის მადლს.
ეს მადლი კურნავს საზოგადოებას. ასე წერია სახარებაში… თუ ადამიანი ურწმუნოა, ეს მისთვის გაუგებარია, მაგრამ ჩვენი მოსახლეობის აბსოლუტური უმრავლესობა მორწმუნეა და აქ შიში არ უნდა იყოს.
პირიქით, ეკლესიასთან კავშირი, ღირსეულად ნაზიარები ადამიანები ავრცელებენ მხოლოდ და მხოლოდ სიჯანსაღეს.
დღესაც, როდესაც დინამიკა (ვირუსის გავრცელების) არ არის მაღალი, სწორედ ამის დამსახურებაა“, – აღნიშნა მეუფე დანიელმა.
კომენტარები