ჯანდაცვის მსოფლიო ორგანიზაციაში აშშ-ის მხრიდან ფინანსური შენატანის, შესაძლო, შეჩერება, კორონავირუსთან ბრძოლაზე ნეგატიურ გავლენას მოახდენს, – განაცხადა ჩინეთის საგარეო საქმეთა სამინისტროს ოფიციალურმა წარმომადგენელმა ჩჟაო ლიცზიანმა.
“მსოფლიოში კორონავირუსის პანდემიის პირობებში, აშშ-ის განცხადება რომ შესაძლოა ჯანდაცვის მსოფლიო ორგანიზაციის დაფინანსებას შეაჩერებს, ვირუსთან ბრძოლაზე ნეგატიურ გავლენას მოახდენს”,- აღნიშნა დიპლომატმა.
მისი თქმით, კორონავირუსული ინფექციის აფეთქებიდან ორგანიზაციამ მნიშვნელოვანი როლი შეასრულა საერთაშორისო თანამშრომლობის კოორდინაციის ჭრილში.
“ჩინური მხარე, კვლავინდებურად გააგრძელებს ორგანიზაციის მუშაობის მხარდაჭერას”, – აღნიშნა ჩჟაო ლიცზიანმა.
დონალდ ტრამპმა ჯანდაცვის მსოფლიო ორგანიზაცია ჩინეთზე “ზედმეტად კონცენტრირებაში” დაადანაშაულა. ტრამპის თქმით, “გადავხედავთ, ორგანიზაციის დაფინანსების საკითხს”