„ჯორჯიან უოთერ ენდ ფაუერის“ წყალარინების 1000 მმ-იანი მაგისტრალის განზრახ დაზიანების ფაქტი დაფიქსირდა.
გარდაბნის მუნიციპალიტეტში, კრწანისის ტყე-პარკის ტერიტორიაზე კომპანია „ჯორჯიან უოთერ ენდ ფაუერის“ წყალარინების მაგისტრალური კოლექტორის გეგმიური დათვალიერების დროს, ვანდალური ფაქტი გამოვლინდა. ამის შესახებ კომპანიის მიერ გავრცელებულ სპეციალურ განცხადებაშია აღნიშნული.
გარდაბნის მუნიციპალიტეტში, კრწანისის ტყე-პარკის ტერიტორიაზე კომპანია „ჯორჯიან უოთერ ენდ ფაუერის“ წყალარინების მაგისტრალური კოლექტორის გეგმიური დათვალიერების დროს, ვანდალური ფაქტი გამოვლინდა. ამის შესახებ კომპანიის მიერ გავრცელებულ სპეციალურ განცხადებაშია აღნიშნული.
მათივე ცნობით, დაფიქსირდა წყალარინების 1000 მმ-იანი მაგისტრალის განზრახ დაზიანება.
„ამოტეხილია ბეტონის კოლექტორის მნიშვნელოვანი ნაწილი, საიდანაც ამოედინება წყალი. დაზიანების ადგილას ხელოვნურად მოწყობილია ტბისკენ მიმართული არხი.
მიმდებარე ტერიტორიაზე მსგავსი ტიპის შემთხვევა კომპანიამ გასულ პერიოდებში, არაერთხელ დააფიქსირა. ამის შესახებ ინფორმირებული იყო საპატრულო პოლიცია და გარემოსდაცვითი ზედამხედველობის დეპარტამენტი.
მომხდარის ფაქტის გამოძიების მიზნით, ადგილზე მობილიზებულია საპატრულო პოლიცია და გარემოსდაცვითი ზედამხედველობის დეპარტამენტი. ასევე ინფორმირებულია სურსათის ეროვნული სააგენტო.
აღნიშნულის გამო, კომპანიას არსებითი მატერიალური ზარალი მიადგა. არსებულ დაზიანებას „ჯორჯიან უოთერ ენდ ფაუერი“ საკუთარი ძალებით აღადგენს“, – ნათქვამია კომპანიის მიერ გავრცელებულ განცხადებაში.
კომენტარები