“ჩვენ ევროპელები ვართ, საქართველოს არ აქვს ალტერნატივა არჩევანში. რუსეთმა თავად უნდა გამოკვეთოს, რა სურვილი აქვს. არ მინდა, უარყოფით კონტექსტში რამე მინიშნება, ჩვენ ურთიერთობები უნდა დავალაგოთ. ჩვენი ერთადერთი არჩევანი ევროპაა, არ აქვს ალტერნატივა დღეს ევროპას, ეს სწორი მიმართულებაა”,-აღნიშნა ბიძინა ივანიშვილმა.
ამასთან, ყოფილი პრემიერის თქმით, ეს არ ნიშნავს, რომ აუცილებლად სწარაფად გავხდეთ ევროკავშირის წევრები.
“ჩვენ უნდა დავაფუძნოთ ღირებულებები და ვისწრაფვოდეთ, რომ ევროპელებს ჩვენთან თანაცხოვრება მოუნდეთ. ყველა რესურსი ამის გვაქვს და ჩვენ ამას უახლოეს მომავალში მოვახერხებთ“,-განაცხადა ივანიშვილმა ზუგდიდში, გადაცემაში “შეხვედრები რეგიონულ მედიასთან“.
გარდა ამისა, ყოფილი პრემიერ-მინისტრი მიიჩნევს, რომ საქართველომ რუსეთთან ურთიერთობები უნდა დაალაგოს.