“ეს ხელისუფლება ერთადერთი გუნდია, რომელსაც ქვეყნის სწორი მიმართულებით წაყვანა შეუძლია და ამიტომ ვუჭერ მხარს. კვირიკაშვილი გამოცდილი, კარგი, მოწესრიგებული მენეჯერია“,-განაცხადა ბიძინა ივანიშვილმა და აღნიშნა, რომ მართვის სათავეში ყველა გამოუცდელი მივიდა.
ივანიშვილის თქმით, სწორედ ამ კონტექსტში ახსენა გურიაში, ჟურნალისტებთან შეხვედრაზე ზვიად გამსახურდია, ვინაიდან სწორედ იმ დროს იყო დიდი გამოუცდელობა:
“მე ზვიად გამსახურდია არ გამიკრიტიკებია. პირიქით, ზვიადის დროს მივაღწიეთ სამშობლოს სიყვარულის პიკს, გულანთებული პატრიოტი იყო. ახალმა ხელისუფლებამ გამსახურდიას თვითმკვლელობის საქმე განზრახ მკვლელობაზე გადააკვალიფიცირა. მიმაჩნია, რომ გამსახურდია მოკლეს. მმართველობის კონტექსტში ვახსენე გამსახურდია, რომ მეტი გამოუცდელობა მას ახლდა. გამოუცდელობით სამოქალაქო ომიც მივიღეთ. უარყოფით კონტექსტში არასდროს არ მოვიხსებიებ. მმართველობის 25 წელი მოვიხსენიე, ყველანი გამოუცდელები ვიყავით. როგორც იქნა ჩვენ მოწესრიგებული და კარგი ხელისუფლება მივიღეთ“,-განაცხადა ივანიშვილმა.