საქართველოში მყოფი რუსეთის მოქალაქეები რუსეთის სახელმწიფო დუმაში დაგეგმილ არჩევნებში ხმის მიცემას სომხეთის ქალაქ გიუმრიში შეძლებენ. ამის შესახებ რუსეთის ცესკო-ს წევრმა ვასილი ლიხაჩოვმა ჟურნალისტებს განუცხადა.
„იცით, რომ დიპლომატიური ურთიერთობები, ისევე როგორც ზოგადად, ურთიერთობები გვაქვს თბილისში შვეიცარიის მისიის შუამავლობით, პოლიტიკური სტატუსის გამო იქ საარჩევნო უბნის ორგანიზების არანაირი შესაძლებლობა არ არსებობს. საქართველოს ტერიტორიაზე მცხოვრები რუსული ელექტორატი მიბმულია სომხეთის გიუმრის საარჩევნო უბანს“, – განაცხადა ლიხაჩოვმა.
რუსეთის სახელმწიფო დუმის არჩევნები 18 სექტემბერს გაიმართება.
კომენტარები