ესპანეთის დედაქალაქ მადრიდში მასაშტაბური საპროტესტო აქციები მიმდინარეობს. ათასობით დემონსტრანტი ქალაქის ქუჩებში ხარების ტრადიციული ბრძოლის, კორიდის აკრძალვის მოთხოვნით გამოვიდა.
აქციის მონაწილეებს ეჭირათ პლაკატები, წარწერით: „კორიდა- სისასტიკის სკოლა“, „კორიდა- ეროვნული სირცხვილი“.
უკანასკნელ პერიოდში ჩატარებულმა სოციოლოგიურმა კვლევებმა ცხადყო, რომ ქვეყანაში კორიდის მხარდამჭერების რაოდენობა პერმანენტულად მცირდება, მიუხედავად ამისა, ესპანეთში ხარების ბრძოლა დაახლოებით 2000-ჯერ ტარდება.
ამავდროულად, კორიდის მომხრეები ამტკიცებენ, რომ ეს ეროვნული ტრადიციის ნაწილია, რომელიც სათავეს უძველესი დროიდან იღებს.
კომენტარები