საქართველოს პრეზიდენტი სალომე ზურაბიშვილი აცხადებს რომ გიგი უგულავასა და ირაკლი ოქრუაშვილს შეწყალების გადაწყვეტილება დამოუკიდებლად მიიღო.
ამასთან, როგორც „რუსთავი 2“-თან ინტერვიუში პრეზიდენტმა განაცხადა, საკუთარი გადაწყვეტილების შესახებ მან შეატყობინა პარლამენტის თავმჯდომარეს, პრემიერსა და „ქართული ოცნების“ თავმჯდომარეს.
„სრულიად დამოუკიდებლად მივიღე ეს გადაწყვეტილება. იმ გარკვეულ პერიოდში, იმ ბოლო პერიოდში, გადაწყვეტილების გაჟღერებამდე სხვათა შორის, ძალიან დიდხანს ვფიქრობდი ამ გადაწყვეტილებაზე. მაგრამ, როცა უკვე ჩემში დავრწმუნდი, რომ ეს გადაწყვეტილება საჭირო იყო, შევატყობინე შტოებს, ინსტიტუტებს ქვეყნის, რადგან არ შეიძლება, ეს გადაწყვეტილება იყოს სრულიად მოულოდნელი.
შევატყობინე კონკრეტულად, პარლამენტის თავმჯდომარეს, პრემიერს და „ოცნების“ თავმჯდომარეს, ბიძინა ივანიშვილს“, – განაცხადა სალომე ზურაბიშვილმა.