ზუგდიდში COVID ინფიცირებული მძღოლის კლასტერის ერთი წევრის მდგომარეობა დამძიმდა. რუხის კლინიკიდან ასაკოვანი ქალი თბილისის ინფექციურ საავადმყოფოში გადაიყვანეს.
რუხის საავადმყოფოს კლინიკურმა დირექტორმა ნიკა ქარცივაძემ “კურიერს” უთხრა, რომ პაციენტის მკურნალობაში დამატებითი ჩარევა გახდა საჭირო.
“ლაბორატორიული მაჩვენებლები მკვეთრად გაუარესდა, მკურნალობასა და კვლევებში დამატებითი ჩარევა იყო საჭირო, რაც ინფექციურისთვის გაცილებით იოლად მოგვარებადია,” – თქვა ქარცივაძემ.
ასაკოვან ქალს კორონავირუსი რამდენიმე დღის წინ დაუდასტურდა. ის სხვა 10 პაციენტთან ერთად რუხის კლინიკაში მკურნალობდა.
თბილისშია გადაყვანილი კიდევ ერთი დადასტურებული შემთხვევა, 45 წლამდე მამაკაცი, რომლის 6 კონტაქტს კორონავირუსი დაუდასტურდა.
კომენტარები