ინფექციური საავადმყოფოს სამედიცინო დირექტორის მარინა ეზუგბაიას ინფორმაციით, კოვიდინფიცირებულთა დადასტურებული 8 ახალი შემთხვევიდან, 1 ბოლნისის წყაროს ეკუთვნის, ხოლო დანარჩენი 7 საკარანტინო ზონიდან გადმოყვანილი პაციენტები არიან.
მისი თქმით, ახალი შემთხვევებიდან 2 კლინიკურად მძიმე დადასტურებული სურათია.
კლინიკაში გუშინ შესული 11 შემთხვევიდან 8 ბოლნისის სოფელ მუშევანიდან გადაყვანილი პაციენტია, ხოლო 3 საკარანტინო სივრციდან, აქედან 2-ს მოგზაურობის ისტორია გააჩნია.
“ახალი 8 დადასტურებული შემთხვევებიდან 1 არის ბოლნისის წყარო, დანარჩენი 7 არის საკარანტინო ზონიდან, იქ ჩატარებული ტესტირების შედეგად დადასტურებულები.
8 ახალი შემთხვევიდან 2 არის კლინიკურად მძიმედ გამოხატული სურათით. დღეს კვლევები ჩატარდება, შეფასდება ეს ყველაფერი და საბოლოო მონაცემებს შემდგომში ვიტყვით. ასაკობრივი სპექტრი განსხვავებულია, არის მაღალი ასაკის პირებიც და საშუალოსიც,” – განმარტა მარინა ეზუგბაიამ.