სამხრეთ კორეაში, ე.წ. ღამის კლუბის კლასტერი უკვე 225 ადამიანს ითვლის. CNN-ის ცნობით, ამის შესახებ ქვეყნის დაავადებათა კონტროლის ცენტრი იუწყება.
ღამის კლუბის კლასტერი სამხრეთ კორეის დედაქალაქ სეულში ბარებისა და ღამის კლუბების გახსნის შემდეგ გაჩნდა. ამ დრომდე კლასტერის წევრთა გამოსავლენად უკვე 65 ათასზე მეტი ტესტი ჩატარდა. 225 ინფიცირებულიდან 96-ს კონტაქტი უშუალოდ ნულოვან პაციენტთან ჰქონდა, დანარჩენები კი მათი კონტაქტები არიან.
კლასტერის ნულოვანი პაციენტი, ქალაქ იენინის 29 წლის მკვიდრი 1-ელ მაისს სეულის 5 კლუბსა და ბარში იმყოფებოდა. ადგილობრივი ხელისუფლების ინფორმაციით, მასთან ერთად ამ დაწესებულებებში დაახლოებით 5 500 ადამიანი იმყოფებოდა.
საერთო ჯამში ქვეყანაში კორონავირუსის 11 190 შემთხვევა დადასტურდა, 226 ადამიანი გარდაიცვალა.
კომენტარები