ვატიკანის პრესსამსახურმა პაპი ფრანცისკეს საქართველოსა და აზერბაიჯანში მოგზაურობის პროგრამა გამოაცხადა. ვიზიტი 30 სექტემბრიდან 2 ოქტომბრამდე შედგება. ამის შესახებ დიაკვანმა ედუარდ გოგილაშვილმა დღეს გამართულ პრესკონფერენციაზე განაცხადა.
„პროგრამის მიხედვით, 30 სექტემბერს პონტიფექტსი თბილისის საერთაშორისო აეროპორტში ჩამობრძანდება. დაახლოებით 15.00 საათზე მისალმების ცერემონიის შემდეგ გათვალისწინებულია სტუმრობა პრეზიდენტთან, 16:00 სთ-ზე პრეზიდენტის სასახლის ეზოში მიესალმება ხელისუფლებას, საზოგადოების წარმომადგენლებს და დიპლომატიურ კორპუსს, სადაც წმინდა მამა წარმოთქვამს სიტყვას. 16:40 სთ-ზე საპატრიარქო რეზიდენციაში შეხვდება საქართველოს კათალიკოს პატრიარქ ილია მეორეს. 18:00 სთ-ზე პაპი ასირიულ -ქალდევური წესის საკრებულოს წმ სიმონ მღებავის სახელობის კათოლიკურ ტაძარს მოინახულებს, სადაც ილოცებს.
1 ოქტომბერს 10:00 სთ-ზე პაპი აღავლენს წმ წირვას მიხეილ მესხის სახელობის სტადიონზე, რომლის დროსაც იქადაგებს. 15:45 სთ-ზე პაპი შეხვდება მღვდლებსა და ბერ მონაზვნებს მარიამის ზეცად აყვანების საკათედრო ტაძარში. 18:15 სთ-ზე მოინახულებს მცხეთის სვეტიცხოვლის საპატრიარქო ტაძარს, სადაც გაჟღერდება ჯერ პატრიარქის, შემდეგ რომის პაპის სალამი. კვირა დღეს 2 ოქტომბერს 07:55 სთ-ზე დამშვიდობების ცერემონიალის შემდეგ თვითმფრინავი აიღებს გეზს ბაქოსკენ”,– ნათქვამია ვატიკანის პრესსამსახურის განცხადებაში.