აშშ-ის ქალაქ მინეაპოლისში მოკლული ჯორჯ ფლოიდის საქმეზე დაკავებული ყოფილი პოლიციელის, დერეკ შოვინის წინააღმდეგ მანამდე ქალაქის პოლიციის დეპარტამენტში 18 საჩივარი იყო შესული. ინფორმაციას ამის შესახებ ტელეკომპანია CNN-ი ავრცელებს.
საჩივრების შინაარსზე პოლიციაში არ საუბრობენ. ჯორჯ ფლოიდის მკვლელობის შემდეგ დერეკ შოვინი პოლიციიდან გაათავისუფლებს, 29 მაისს კი დააკავეს.
ჯორჯ ფლოიდი 25 მაისს მოკლეს. სოციალურ ქსელებში გავრცელდა ვიდეო, რომელშიც პოლიციელი მუხლს აჭერს ყელზე 46 წლის აფროამერიკელს, ხოლო დაკავებული ხრიალებს და ითხოვს, სუნთქვის საშუალება მისცენ.
ჯორჯ ფლოიდის მკვლელობას საპროტესტო აქციები მოჰყვა. 28 მაისს საპროტესტო აქციის მონაწილეებმა მინეაპოლისის პოლიციის შენობა დაიკავეს და ცეცხლი წაუკიდეს. 30 მაისს ფლოიდის საქმეზე დაკავებულ ყოფილ პოლიციელს ბრალი წინასწარი განზრახვის გარეშე მკვლელობის მუხლით წაუყენეს.