პოლონეთის მთავრობა იმედოვნებს, რომ აშშ-ის სამხედროების ნაწილი გერმანიიდან პოლონეთში გადაინაცვლებს.
ამის შესახებ ქვეყნის პრემიერ-მინისტრმა მატეუშ მორავეცკიმ ადგილობრივ რადიოს განუცხადა.
მისი განმარტებით, ახლა, გადაწყვეტილების მიღება აშშ-ზეა დამოკიდებული.
Wall Street Journal-ის ინფორმაციით, ეროვნული უსაფრთხოების მრჩეველმა რობერტ ო’ბრაიენმა უკვე მოაწერა ხელი ბრძანებას გერმანიიდან ძალების გაყვანის შესახებ.
მედია იტყობინება, რომ სამხედროების რაოდენობა გერმანიაში შესაძლოა, 9500-ით შემცირდეს და მაქსიმალური რიცხვი 25000 იქნება. თეთრ სახლსა და პენტაგონში, გავრცელებულ ინფორმაციაზე კომენტარი ჯერ არ გაუკეთებიათ. ამჟამად, გერმანიაში 34,500 სამხედროა განთავსებული.
კომენტარები