საპარლამენტო უმრავლესობის წევრის, ირაკლი კობახიძის განცხადებით, გიორგი რურუას საკითხს 8 მარტის შეთანხმებასთან კავშირი არ აქვს, რაც ელჩების ბოლოდროინდელმა განცხადებებმაც დაადასტურა.
მისივე თქმით, პარლამენტის დღევანდელი გადაწყვეტილებით, პოლიტიკურ პარტიებს შორის 8 მარტს მიღწეული შეთანხმება შესრულდა.
ირაკლი კობახიძის თქმით, რურუას თემა სამართლებრივია და გადაწყვეტილებასაც სასამართლო მიიღებს.
„ელჩების ბოლოდროინდელმა განცხადებებმაც დაადასტურა, რომ ეს ასე არ არის, რურუას არავითარი კავშირი არ აქვს 8 მარტის შეთანხმებასთან.
დღეს აღსრულდა 8 მარტის შეთანხმება. რაც შეეხება რურუას საქმეს, ეს არის ერთ-ერთი მორიგი კრიმინალური საქმე, რასთან დაკავშირებითაც, ისევე როგორც სხვა საქმეებთან დაკავშირებით, საქართველოში გადაწყვეტილებას იღებს მართლმსაჯულება, სასამართლო. შესაბამისად, როგორც წყდება სხვა კრიმინალური საქმეები, ასევე გადაწყდება ეს კრიმინალური საქმეც“, – აღნიშნა ირაკლი კობახიძემ.