გიორგი შაქარაშვილის საქმეზე დაკავებული თენგო ბარბაქაძის ადვოკატი აცხადებს, რომ მისმა დაცვის ქვეშ მყოფმა გიორგი შაქარაშვილის დაკარგვის შესახებ დილით გაიგო. რაც შეეხება მედიაში გავრცელებულ სატელეფონო მიმოწერას, გიორგი ფოფხაძე აცხადებს, რომ ჩანაწერები და ფრაზები ამოჭრილია.
„რაც ამ საქმის ირგვლივ ხდება, ასეთი მარაზმი ჯერ არ მსმენია და არც მინახავს. ბოლო წერტილი იყო, რაც გუშინ მოხდა – ეს არის პირადი მიმოწერის გასაჯაროება, ბუნებრივია, ჟურნალისტების მესმის და მათ ბრალს არ ვდებ, მაგრამ ვისაც ეს მასალა მოაქვს და პირდაპირ აწვდის ჟურნალისტებს, ეს არის არაეთიკური და დაცვის უფლების დარღვევა – არ არის გამორიცხული, რომ ამას მოჰყვეს შემდგომი დანაშაული. იმ ბავშვს, რომელთანაც მიმოწერაა, ამ საქმესთან კავშირი არ აქვს. ეს არის პირადი ინფორმაცია და პირადად წერენ ერთმანეთს“, –აღნიშნა გიორგი ფოფხაძემ.