„ქართული ოცნების” დეპუტატი დიტო სამხარაძე, სოციალურ ქსელში შემდეგ პოსტს აქვეყნებს:
„ყველაფერი დაიწყო იმით, რომ სახელმწიფო გადატრიალებით სცადეს ხელისუფლებაში მობრუნება. ამ პროცესის სადავეები ძველმა რევოლუციონერებმა მოიპოვეს და არ გამოუვიდათ.
მეორე მცდელობად პოლიტიკური პროსტიტუცია და ვაჭრობა არჩიეს, ასევე, პოლიტიკური დივიდენდების მოსაპოვებლად ქვეყნის სტრატეგიულ პარტნიორებს დეზინფორმაციები მიაწოდეს. მეორე გეგმას, ძველი რევოლუციონერების, ყოფილი და მოქმედი “ენჯეოშნიკების” თაოსნობით ახორციალებდნენ. არ გამოუვიდათ!
სისხლიანი რეჟიმის მოსაბრუნებელი მესამე მცდელობა ფასადური ოპოზიციური გაერთიანების აფიშირება იყო. აქ, ყველა ყოფილი თუ მოქმედი ნაცი, გუბაზა და შალია (ორივე ნაცების კუთვნილება) აქტიურობდნენ და არწმუნებდნენ საზოგადოებას, რომ მათი წარსული დაევიწყებინათ, ვითომ გამოსწორდნენ და ჩადენილ საზიზღრობებს აღარ გაიმეორებდნენ. არ გამოუვიდათ!
მეოთხე მცდელობა – კოვიდ19-ის პანდემიის პროცესში ხელისუფლებისთვის ხელის შეშლის გეგმა იყო. ყველაფერს აკეთებდნენ, რომ რაც შეიძლება ბევრი გარდაცვლილი და დაავადებული ჰყოლოდა ქვეყანას, ხალხი აჯანყებულიყო და საწყისი გეგმის ამოქმედებას დაბრუნებოდნენ. ამ სქემაში შმაცურ-რუსულ-ნაცური ოპოზიციის ყველა ლიდერი აქტიურობდა. არ გამოუვიდათ!
და მეხუთე – სხვისი გაჭირვებით და გარდაცვალებით მოპოვებული პოლიტიკური დივიდენდების გამყარება და რეიტინგების მომატების მცდელობა. ამ სქემაში სადავეები ნაცური, საპარიკმახერო, ტელევიზიების თაოსნობით დაიწყეს. სიკვდილს დაუწყეს სდევნა. აქაც ფიასკო განიცადეს!
ახლა რა ხდება? ისედაც გაფარჩაკებული ოპოზიცია დაიშალა, რატომ?
პასუხი მარტივია, 3%-იანი ოპოზიცია ხელისუფლებაში ვერ მოვა! ამიტომ ბოლო გეგმის მიხედვით გაუჩნდათ სურვილი დაითრიონ საპარლამენტო მანდატები, ხელფასი და ხელშეუხებლობა! ხოდა დაიწყეს ერთმანეთის დაჭმა, რადგან კარგად იციან, რომ ნაცური ხმები ცოტაა და ყველას უნდა თავისი მოციცქნოს!“ – წერს დიტო სამხარაძე.