შევხვდით მინისტრის მოადგილეს, ბატონ ვლადიმერ ბორცვაძეს, ამ შეხვედრას ესწრებოდა მამუკა ჭელიძე. როგორც ჩემთვის ცნობილი გახდა, უკვე შსს-ს მხრიდან ფედერალურ ბიუროში გაიგზავნა ინფორმაცია თანამშრომლობის შესახებ. ახლა უნდა გაირკვეს, კონკრეტულად რა ფორმით ითანამშრომლებს და რა ფორმით ჩაერთვება პროცესში FBI, – ეს განცხადება მედიასთან, თამარ ბაჩალიაშვილის ოჯახის ადვოკატმა შინაგან საქმეთა სამინისტროში შეხვედრიდან გამოსვლის შემდეგ გააკეთა.
„ჩვენ გვაქვს მოთხოვნა, რომ მაქსიმალურად იყოს გამოყენებული მოთხოვნა, რომ ფედერალური ბიურო ჩართოს ექსპერტიზის კუთხითაც და ყველა კითხვაზე იყოს პასუხი გაცემული. ეს არ უნდა იყოს მოჩვენებითი და ისეთი პოზიცია, რომ ეს იყოს მოტყუება და პროცესი შენელდეს“, – განაცხადა მიხეილ რამიშვილმა.
4 აგვისტოს ცნობილი გახდა, რომ შინაგან საქმეთა სამინისტრო მზადაა, ფედერალურ საგამოძიებო ბიუროსთან ითანამშრომლოს და ამ საკითხზე თამარ ბაჩალიაშვილის ოჯახს შეხვდეს.