რუსეთის უშიშროების საბჭოს თავმჯდომარის მოადგილე დიმიტრი მედვედევი, რომელიც 2008 წელს ქვეყნის პრეზიდენტი იყო, აგვისტოს ომს კონფლიქტს უწოდებს და მის შესახებ სოციალურ ქსელში ВКонтакте განცხადებას ავრცელებს.
მისი თქმით, ეს იყო რუსეთისთვის გამოცხადებული ომი:
ამიტომაც, მე მივიღე არცთუ მარტივი, მაგრამ ერთადერთი შესაძლო გადაწყვეტილება – დავმდგარიყავი აფხაზეთის და სამხრეთ ოსეთის მხარეს – ჯერ დამეცვა ისინი აგრესიისგან, შემდეგ კი მოქალაქეების თხოვნით, მეცნო მათი დამოუკიდებლობა“ – წერს მედვედევი.
ის განმარტავს, რომ, თუ არა ეს ჩარევა „ამიერკავკასია გადაიქცეოდა „ტყვია-წამლის კასრად“, რაც რუსეთისთვის მიუღებელი იყო.
დღეს 2008 წლის რუსეთ-საქართველოს აგვისტოს ომიდან 12 წელი შესრულდა. საქართველოში რუსული ინტერვენციის შედეგად დაიღუპა საქართველოს 228 მშვიდობიანი მოქალაქე, 14 პოლიციელი, ხოლო 1 747 დაიჭრა.
სახლები დატოვა თითქმის 150 000-მა ადამიანმა, მათგან დღემდე დევნილობაში რჩება 30 000-მდე.