ისრაელის საგანგებო და სრულუფლებიანმა ელჩმა საქართველოში, რან გიდორმა, ჩეხეთის რესპუბლიკის კარიტასის მისიის ხელმძღვანელთან ერთად ზუგდიდის სკრინინგ ცენტრს საჩუქრად სამედიცინო ინვენტარი გადასცა, – ამის შესახებ ინფორმაციას ზუგდიდის მუნიციპალიტეტის მერია ავრცელებს.
მათივე ინფორმაციით, ღონისძიება საინფორმაციო კამპანიის „გამოწვევა-კიბოს სკრინინგ 2020!“ ფარგლებში გაიმართა. კამპანიის მიზანია, კიბოსა და სკრინინგის შესახებ ცნობიერების ამაღლება.
2019 წელს კარიტასის პროექტის ფარგლებში ზუგდიდის სკრინინგ ცენტრი გაიხსნა. აღნიშნულმა პროქტმა რეგიონში სახლემწიფო სამედიცინო პროგრამების გეოგრაფიული ხელმისაწვდომობის გაზრდას შეუწყო ხელი და 1000-ზე მეტმა მოქალაქემ ისარგებლა სკრინინგის სახელმწიფო პროგრამით ადგილზე.
კომენტარები