„თუ იმ მოდელს და იმ დამოკიდებულებებს გადმოვიტანთ, რაც არსებობდა „ნაციონალური მოძრაობის“ დროს, ვერც ხელფასები გაიცემოდა, ვერც პენსია დარიგდებოდა. თქვენ დღეს არც ერთი ბიზნესში აღარ იქნებოდითმეთქი, პირდაპირ ვუთხარი იმ ბიზნესმენებს, ვინც ესწრებოდა ეკონომიკურ ფორუმს, ვერც ერთმა ხმა ვერ ამოიღო.
მხოლოდ მერაბიშვილი, ადეიშვილი და შიდა ჯგუფები იკამათებდნენ თქვენი ქონების განაწილებაზე, მაგრამ თქვენგან არც ერთი რომ ბიზნესმენი აღარ იქნებოდა, ეს თუ წარმოგიდგენიათ? ამას სათავე ჰქონდა აღებული, უკვე ერთმანეთში, ბიზნესში პაექრობა ჰქონდათ და დღეს იქნებოდა მხოლოდ ამ გუნდის წევრებს შორის პაექრობა და არა იმ ბიზნესმენებს შორის, ვინც საფუძველი ჩაუყარა და განავითარა ბიზნესი“,- განაცხადა ბიძინა ივანიშვილმა გადაცემაში „შეხვედრები რეგიონულ მედიასთან“ .
როგორც ივანიშვილმა აღნიშნა, შეხვედრაზე ერთ-ერთმა ბიზნესმენმა შევარდნაძისა და სააკაშვილის მართვის პერიოდი შეადარა და განაცხადა, რომ მიუხედავად არსებული კორუფციისა, ეკონომიკის განვითარებისთვის შევარდნაძის პერიოდი გაცილებით საინტერესო იყო.
„ისიც ცუდი იყო. მაგრამ არის ცუდი და უარესი. ხშირად არჩევანს აკეთებენ ცუდსა და უარესს შორის. კარგსა და უკეთეს შორის არჩევანი ყოველთვის უფრო კარგია, მაგრამ ხშირად ხდება არჩევანის და ანალიზის გაკეთება ცუდსა და უარეს შორის. ბევრ ხალხზე ნაწილდებოდა ის ფული, სახელმწიფოს ერთ-ერთი ფუნქცია დარღვეული იყო, ბიუჯეტი ვერ ივსებოდა და ის საბაჟოსა და საგადასახადოში ნაწილდებოდა ძირითადად, ეს ცუდი იყო, რა თქმა უნდა, ამის შექება როგორ შეიძლება. სახელმწიფოს ერთ-ერთი ძირითადი ფუნქცია ირღვეოდა. მაგრამ “ნაცებმა” რომ ისწავლეს მოგროვება და ყველა ჯიბეში ჩაძვრნენ, თვითონ ისწავლეს ამის გადაანწილება, ეს უარესი იყოს მასზე”,- აღნიშნა ივანიშვილმა.