როგორც პირველ ტალღას გავუმკლავდით ერთად, ისე უნდა დავირაზმოთ და ერთიანობით გავუმკლავდეთ მეორე ტალღასაც. ეს არ იქნება მარტივი, ვერავინ ვერ დაგპირდებათ და ტყუილი იქნება, თუ დაგპირდებათ, რომ ვირუსი ერთ დღეში გაქრება ან საქართველო, ცალკე აღებული, შეძლებს ამ გამწვევისა და კრიზისი დამარცხებას. რა თქმა უნდა, ვერ შეძლებს, – ამის შესახებ პრემიერ-მინისტრმა ჩოხატაურში განაცხადა, სადაც ლანჩხუთისა და ჩოხატაურის მაჟორიტარი დეპუტატობის კანდიდატი, ვასილ ჩიგოგიძე წარადგინეს.
მთავრობის მეთაურმა პირბადის ტარებისა და დისტანციის დაცვის აუცილებლობაზეც ისაუბრა.
„მხოლოდ და მხოლოდ იმისთვის, რომ პირველ რიგში დავიცვათ ჩვენი ხანდაზმულები და მოხუცები და ასევე ეკონომიკური კრიზისი არ გაღრმავდეს ისე, რომ ამ კრიზისიდან გამოსვლისთვის დაგვჭირდეს ბევრი დრო. უნდა დავიცვათ თითოეული სამუშაო ადგილი. მე ერთ რამეს შემიძლია დაგპირდეთ: ჩვენი ყურადღების ცენტრი იქნება ყოველთვის ადამიანი და ადამიანზე ზრუნვა იყო ყოველთვის ჩვენი პრიორიტეტი“, – განაცხადა გიორგი გახარიამ.