საქართველოს ტერიტორიების საწინააღმდეგოდ ჩადენილი ქმედების ბრალდებით დაკავებულების საქმესთან დაკავშირებით მმართველ გუნდში კითხვები არ აქვთ.
საქართველოს პარლამენტის თავმჯდომარის პირველი მოადგილე გია ვოლსკი მიიჩნევს, რომ დაკავებულების ადვოკატებიც პოლიტიკურ თამაშებში ჩაერთნენ.
“ადვოკატებიც, სამწუხაროდ, ჩართულები არიან პოლიტიკურ თამაშებში, რათა თავისი ჰონორარი გაამართლონ. ფაქტია, რომ დოკუმენტები, რომელიც გამოიყენეს მოლაპარაკებისას, სააკაშვილის ხელისუფლების პერიოდში არ იყო ადეკვატური იმ ისტორიული რეალობისა, რასაც ჰქვია დავით გარეჯის საქართველოს შემადგენლობაში არსებობა. საერთოდ რომ არანაირი დოკუმენტი არ ყოფილიყო, არ უნდა დაეთმო ხელისუფლებას პოზიცია და უნდა ეძებნა ის,”-განაცხადა გია ვოლსკიმ.
კომენტარები