ძალიან მძიმე ფაქტი იყო, რაც მოხდა. საკმაოდ კარგად მომზადებულ თავდამსხმელთან გვქონდა საქმე, რომელსაც, როგორც ჩანს, ჰქონდა სამხედრო ან სპეციალური მომზადება გავლილი. ასევე ფიზიკურად საკმაოდ კარგ ფორმაში იყო და რაც მთავარია, ეს თავდასხმა ჰქონდა კარგად დაგეგემილი და განსაზღვრული ჰქონდა ყველა დეტალი, – ამის შესახებ პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა იმედის გადაცემა „პოზიციაში“ ზუგდიდში „საქართველოს ბანკზე“ განხორციელებულ თავდასხმაზე საუბრისას განაცხადა.
მისივე თქმით, ბოროტმოქმედემა ასევე ალბათ იცოდა, რა ფორმით და სახით მოქმედებენ ოპერატიული სამსახურები და საგამოძიებო უწყებები.
„მაგალითად, ის იმდენად აღჭურვილი იყო, რომ ბიოლოგიური მასალა არ დაეტოვებინა. რაც ყველაზე საშიში იყო, მის ქცევაში, მის მოთხოვნებში ჩანდა, რომ ის ყველაფერზე წასვლელი იყო. ის მზად იყო აეფეთქებინა ხელყუმბარა, მზად იყო მოესპო საკუთარი სიცოცხლე, ასევე იქ მყოფი მძევლების“- განაცადა ირაკლი სესიაშვილმა.
მისივე თქმით, ყველაზე მთავარია, რომ ყველა მძევალი გათავისუფლებულია და მათ სიცოცხლეს საფრთხე არ ემუქრება.
„ყველა საერთაშორისო სტანდარტით, ყველა პოლიციურმა ძალამ შესაბამისი ღონისძიებების გატარებისას, პირველ რიგში უნდა გადაარჩინოს მოქალაქეების სიცოცხლე და ჯანმრთელობა. ესაა სტანდარტი, რომელზეც უნდა აეგოს შემდგომ ყველა პოლიციური ღონისძიება“,- განაცხადა ირაკლი სესიაშვილმა.