ახლა ჩვენზე, ადამიანებზეა დამოკიდებული რამდენად ხელს შევუშლით ინფექციის ერთი ადამიანიდან მეორეზე გადაცემას, – ამის შესახებ ალერგოლოგ-იმუნილოგმა, ბიძინა კულუმბეგოვმა „რუსთავი 2“-ის ეთერში განაცხადა.
მან კიდევ ერთხელ აღნიშნა, რომ თუ კორონავირუსისთვის დამახასიათებელი ნებისმიერი ნიშანი გვაქვს, აუცილებლად სახლში უნდა დარჩეთ.
„თუ ადამიანს სხვა რისკის დამატებითი ფაქტორი არ აქვს ასაკთან შეჯაჭვული ან რომელიმე ქრონიკული დაავადება, არ ინერვიულოს, როგორც გაციებული ადამიანი, ასე უნდა გავჩერდეთ სახლში, სითხე დავლიოთ, თუ ტემპერატურა იქნება 38-ნახევარი, მივიღოთ დამწევი. 112-თან დაკავშირების შემდეგ ოჯახის ექიმი დაუკავშირდება. შეიძლება ეს ვერ მოხდეს 3-4 საათში, მაგრამ არ ინერვიულოთ, ეს არ არის სწრაფი და ელვისებური განვითარების ინფექცია, ამიტომ თუ მდგომარეობა არის სტაბილური, იყავით მშვიდად და აუცლებლად დაგიკავშირდებიან“, – განაცხადა ბიძინა კულუმბეგოვმა.