“იმედმა” გოგოლაძე-გვარამიას ე.წ. სკანდალური ინტერვიუს შესახებ სიუჟეტი მოამზადა, საიდანაც გაირკვა რომ ელდარ გოგოლაძე კგბ-ს პოლკოვნიკი და იგორ გიორგაძის მარჯვენა ხელია.
საძიებო ველში ელდარ გოგოლაძის სახელი ვუდროფის დღემდე გაუხსნელ მკვლელობას უკავშირდება. ედუარდ შევარდნაძის დაცვის უფროსი, ნამდვილად მუშაობდა “ქართუ ჯგუფის” დაცვის ხელმძღვანელად 1997-2004 წლებში, თუმცა პროფესიონალიზმით არ გამოირჩეოდა.
სახელმწიფო დაცვის სპეციალური სამსახურის ხელმძღვანელმა, ანზორ ჩუბინიძემ “იმედის” ჟურნალისტთან საუბარში ელდარ გოგოლაძის შესახებ ისაუბრა.
“მას ჰქონდა მძიმე ფსიქოლოგიური მდგომარეობა, ის განიცდიდა ვუდროფის საქმის ხელახალ გამოძიებას, რომელიც დაიწყო სააკაშვილის მმართველობის პერიოდში. ელდარ გოგოლაძე მე ვიცი იყო საბჭოთა კავშირის დროინდელი კგბს თანამშრომელი” – განაცხადა ანზორ ჩუბინიძემ.
ანზორ ჩუბინიძე იხსენებს იმასაც, რომ სამსახურიდან გათავისუფლებული ელდარ გოგოლაძე ბიძინა ივანიშვილმა სოლიდური კომპენსაციით და სახლით დაასაჩუქრა.
“რაც მე ვიხილე “მთავარი არხიდან” იყო შოკი. რასაც პირადი დაცვის უფროსი ჰქვია, ეს პროფესია ჩემთვის სავსეა მორალით. ვისაც უმუშავია ამ სფეროში, იცის რომ რაც გოგოლაძემ გააკეთა, ეს არის ფსკერზე დაცემა და ამორალური საქციელი. გაუგებარია რამ მიიყვანა კგბს დროინდელი კადრი ამ მდგომარეობამდე” – განაცხადა ანზორ ჩუბინიძემ.
შეგახსენებთ, ელდარ გოგოლაძე დღეს ნიკა გვარამიას გადაცემის სტუმარია, გადაცემის ანონსიდან ირკვევა რომ ის ბიძინა ივანიშვილს აბსურდულ ბრალდებებს უყენებს.