200-ლარიან დახმარების განაწილების კუთხით დისკრეცია არცერთ ორგანოს არ ენიჭება, – ამის შესახებ ,,ქართული ოცნების“ ცენტრალურ ოფისში გამართულ ბრიფინგზე პარტიის აღმასრულებელმა მდივანმა, ირაკლი კობახიძემ 200-ლარიანი დახმარების გაცემასთან დაკავშირებით განაცხადა.
„რაც შეეხება 200-ლარიან დახმარებას, აქ მთავარი არის, რომ დისკრეცია არ ენიჭება არცერთ ორგანოს ამ დაფინანსების დახმარების განაწილების კუთხით. დისიკრეცია რომ ყოფილიყო მინიჭებული, რომ ჰქონოდა რომელიმე ორგანოს იმის საშუალება, რომ ვიღაცისთვის მიენიჭებინა 200 ლარი, ვიღაცისთვის – არა, ამ შემთხვევაში ამაზე შეიძლებოდა საუბარი, მაგრამ მთავარი პრონციპი, როგორც ამ 200-ლარიანის ასევე სხვა შემთხვევაშია, არის ის, რომ არცერთ ორგანოს არ აქვს დისკრეცია. ანუ, ნორმატიული აქტით ზუსტად განისაზღვრება ის სეგმენტი, რომელიც იღებს ამ დახმარებას. ასეთი დახმარება გაიცემა ყველა ქვეყანაში კოვიდის გათვალისწინებით, მათ შორის იმ ქვეყნებში, სადაც არ ტარდება არჩევნები და იმ ქვეყნებშიც, სადაც ტარდება. შესაბამისად, აბსურდული განცხადებაა“, – განაცხადა კობახიძემ.