„მარშალპრესისთვის“ ნიკა გვარამიას გარემოცვიდან, ცნობილი გახდა რომ ტელეკომპანია „რუსთავი 2“-ს და მის გენერალურ დირექტორს ნიკა გვარამიას 2016 წლის 8 ოქტომბრის საპარლამენტო არჩევნებისთვის ეგზიტპოლის ყალბი შედეგები უკვე გამზადებული აქვს, რომელსაც არჩევნების დღეს “რუსთავი 2” გამოაქვეყნებს. როგორც „მარშალპრესს“ აცნობეს, „რუსთავი 2“-ის მიერ მომზადებული ეგზიტპოლის გაყალბებული შედეგები პარტიებზე ამგვარად გადანაწილდება:
„ერთიანი ნაციონალური მოძრაობა“ – 36 %
„ქართული ოცნება-დემოკრატიული საქართველო“ – 34%
„ლეიბორისტული პარტია“ – 7%
„პაატა ბურჭულაძე – სახელმწიფო ხალხისთვის“ – 6%
„პატრიოტთა ალიანსი“ – 2%
ნიკა გვარამიას გეგმის მიხედვით, არჩევნების დღის განმავლობაში „რუსთავი 2“-ის ჟურნალისტები, რეგიონებიდან, მოსახლეობის ფონზე, რომელიც წინასწარ დაკომპლექტებული იქნება „ნაციონალური მოძრაობის“ აქტივისტებით პირდაპირ საეთერო ჩართვებს განახორციელებენ. პარალელურად, მთელი დღის განმავლობაში გაჟღერდება ე.წ. უკმაყოფილო მოსახლეობის პროტესტი.
გამოქვეყნებული რეალური ეგზიტპოლების გამოცხადებისთანავე, „რუსთავი 2“-ის ეთერში გაჟღერდება, რომ გამოქვეყნებული ეგზიტპოლის შედეგები გაყალბებულია. ამის შემდეგ „ნაციონალური მოძრაობა“ გამართავს საგანგებო ბრიფინგს, სადაც მოსახლეობას ქუჩაში გამოსვლისკენ მოუწოდებს. გეგმის მიხედვით, მოწოდების შემდეგ, წინასწარ მომზადებული „ნაციონალური მოძრაობის“ აქტივისტები საპროტესტო აქციებს დაიწყებენ და შეეცდებიან სახელმწიფო უწყებების ბლოკირებას.
წყარო: „მარშალპრესი“