ჯანდაცვის მსოფლიო ორგანიზაციის სპეციალურმა წარმომადგენელმა დევიდ ნაბარომ შვეიცარიულ მედიაკომპანიას განუცხადა, რომ 2021 წლის დასაწყისში მანამ სანამ ვაქცინა შეიქმნება, ევროპა სავარაუდოდ მომაკვდინებელი კორონავირუსის მე-3 ტალღას იხილავს, – ამის შესახებ ინფორმაციას Deutsche Welle-ი ავრცელებს.
მისი თქმით, ევროპამ ხელიდან გაუშვა შანსი, რომ ვირუსის შესაკავებლად საჭირო ინფრასტრუქტურა შეექმნა.
„მათ ხელიდან გაუშვეს შანსი, რომ აეშენებინათ საჭირო ინფრასტრუქტურა ზაფხულის განმავლობაში, მას შემდეგ, რაც შეძლეს, ინფექციის პირველი ტალღის გაკონტროლება. ახლა მეორე ტალღაა. თუ ისინი საჭირო ინფრასტრუქტურას ვერ შექმნიან, ჩვენ მომდევნო წლის დასაწყისში ვირუსის მესამე ტალღა გვექნება“, – განაცხადა ნაბარომ.
კომენტარები