ქუთაისში, კლინიკა „ბომონდის“ კოვიდცენტრის პედიატრიულ განყოფილებაში კორონავირუსისგან ყველაზე პატარა პაციენტი, 50 დღის ჩვილი გამოჯანმრთელდა. ჩვილი მკურნალობისა და მონიტორინგის ქვეშ ათი დღის განმავლობაში იმყოფებოდა.
კლინიკა „ბომონდის“ პედიატრიული სამსახურის ხელმძღვანელის, ედიშერ ასათიანის თქმით, ჩვილი თავიდან ინტერვენციული მედიცინის ცენტრში რესპირატორული ჩივილებით – სისუსტითა და ტემპერატურით მიიყვანეს, კორონავირუსის დადასტურების შემდეგ კი სამკურნალოდ კლინიკის კოვიდცენტრში გადმოიყვანეს.
ამ დროისთვის პედიატრიულ განყოფილებაში მკურნალობის კურსს 13 ბავშვი გადის.
კომენტარები