პარტია “კანონი და სამართალის” თავმჯდომარე თაკო ჩარკვიანი ალეკო ელისაშვილის გადაწყვეტილებას, ეხმაურება, რომლის მიხედვითაც ელისაშვილი პოლიტიკური კონსულტაციების დაწყებას გეგმავს, პირველ რიგში ოპოზიციასთან. თაკო ჩარკვიანი ალეკო ელისაშვილს მოუწოდებს, “შევიდეს პარლამენტში და დაწყნარდეს”.
“ელისაშვილს ვეტყოდი, შევიდეს რა პარლამენტში და დაწყნარდეს. არ მეგულება ოპოზიციაში ისეთი არავინ, ვისაც ელისაშვილი გადაარწმუნებს. გამოჩნდეს ახალი არჩევნების სავარაუდო თარიღი, რომელზეც საუბარს დავიწყებთ, აი ეს არის გამოსავალი. ამ თარიღთან მიმართებაში კი უნდა ვისაუბროთ საარჩევნო სისტემაზე,” – აცხადებს პარტია ”კანონი და სამართალის” თავმჯდომარე თაკო ჩარკვიანი.
კომენტარები