ერთიანი ნაციონალური მოძრაობის” თავმჯდომარე ნიკა მელია აანონსებს, რომ პარტიაში ახალი, მაგრამ ამავდროულად, გამოცდილი ადამიანები მივლენ. ამასთან, მისივე თქმით არიან ადამიანები, რომლებიც “ნაციონალურ მოძრაობაში” ვერ იქნებიან.
წამყვანის რეპლიკაზე, რომ ვანო მერაბიშვილიც გამოცდილია, მელიამ განაცხადა, რომ მასზე განგებ არ საუბრობს.
“განგებ არ ვსაუბრობ, შეიძლება, ჭერი ჩამოინგრეს მოყოლა რომ დავიწყო, არ მინდა და შეიძლება, იატაკიც ჩავარდეს ქვევით, არა მარტო ნაციონალურ მოძრაობაში, არამედ ქვეყანაშიც, არ მინდა ივანიშვილის წისქვილზე წყალი დავასხა”. – აღნიშნა მელიამ “ფორმულას” ეთერში.
ერთიანი ნაციონალური მოძრაობის თავმჯდომარე ბიძინა ივანიშვილის პოლიტიკიდან წასვლასაც გამოეხმაურა და თქვა, რომ “ქართულ ოცნებას” ამ ფაქტით თავდაჯერებულობა დააკლდება.
კომენტარები