დიდი ბრიტანეთის პრემიერ-მინისტრმა, ბორის ჯონსონმა განაცხადა, რომ კორონავირუსის ე.წ. ბრიტანული შტამი უფრო მომაკვდინებელი შეიძლება იყოს.
„არსებობს გარკვეული მტკიცებულებები, რომ ახალი ვარიანტი სიკვდილიანობის უფრო მაღალ მაჩვენებლებს შეიძლება უკავშირდებოდეს. ყველა არსებული მტკიცებულება ცხადყოფს, რომ ამჟამინდელი ვაქცინები ეფექტურია კორონავირუსის ძველი და ახალი ვარიანტების წინააღმდეგ“, – აღნიშნა ბორის ჯონსონმა.
14 დეკემბერს მეცნიერებმა კორონავირუსის ახალი სახეობა აღმოაჩინეს. ჯანდაცვის მსოფლიო ორგანიზაციაში განაცხადეს, რომ ჯერ არ არსებობს იმის მტკიცებულება, რომ დიდ ბრიტანეთში აღმოჩენილი კორონავირუსის ახალი სახეობა სერიოზულ გავლენას ახდენს ვირუსის სტრუქტურაზე. დიდი ბრიტანეთის ჯანდაცვის მდივანმა, მეთ ჰენკოკმა განაცხადა, რომ ვირუსის ახალი სახეობა შედარებით სწრაფად ვრცელდება, თუმცა უფრო საშიში არ არის.
19 დეკემბერს სამხრეთ აფრიკის რესპუბლიკაში კორონავირუსის კიდევ ერთი ახალი სახეობა გამოავლინეს.