ცესკოში გამართულ მორიგ საინფორმაციო ბრიფინგზე ცესკოს სპიკერმა ჟურნალისტებს არჩევნების მიმდინარეობის შესახებ ინფორმაცია მიაწოდა.
როგორც ანა მიქელაძემ აღნიშნა, ხმის მიცემის პროცესი რამდენიმე საარჩევნო უბანზე (სამგორის 22-ე უბანი, მთაწმინდის მე-6 უბანი, ასევე ქუთაისის 27-ე უბანი) რამდენიმე წუთით შეფერხდა; ვინაიდან უბანზე იმყოფებოდნენ დიდი რაოდენობით დამკვირვებლები და მედიის წარმომადგენლები, ჩანაწერთა წიგნში მათ აღრიცხვას შედარებით მეტი დრო დაჭირდა. ამასთანავე, ეკა მიქელაძემ რეგიონებში არსებულ ვითარებაზეც ისაუბრა.
„ბათუმის N 1 უბანზე „ნაციონალური მოძრაობის“ წარმომადგენელი გააძევეს უბნიდან, რომელიც უბანზე მყოფი ყველა დამკვირვებლის განცხადებით, ხელს უშლიდა საარჩევნო პროცესს. ამავე მიზეზით, საარჩევნო უბნიდან გააძევეს „თავისუფალი და თანასწორობის ინსტიტუტის“ დამკვირვებელი. N 1 საარჩევნო უბანზე, ასევე გამოძახებული იყო საპატრულო პოლიცია,“– განაცხადა ანა მიქელაძემ ჟურნალისტებთან საუბრისას.