ზუგდიდში, რუსთაველის ქუჩაზე მდებარე „ოქროს ბირჟა“ დააყაჩაღეს. გამყიდველების ინფორმაციით, უნივერმაღის ყოფილ შენობაში უცნობი პირი შეიჭრა, ოქროულობა გაიტაცა და მიიმალა.
მათივე თქმით, ბოროტმოქმედი სავარაუდოდ შეიარაღებული იყო. თუ რა რაოდენობის ძვირფასეულობაა წაღებული, ამ დროისთვის უცნობია.
ადგილზე სამართალდამცველები არიან მობილიზებულნი და საგამოძირბო მოქმედებები მიმდინარეობს.
შსს-ს განცახდებით, მომხდართან დაკავშირებით გამოძიება სისხლის სამართლის კოდექსის 179-ე და 236-ე მუხლებით დაიწყო, რაც ყაჩაღობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.
უწყების ცნობით, საგამოძიებო მოქმედებები ინტენსიურ რეჟიმში მიმდინარეობს.
კომენტარები