ყვარლის მუნიციპალიტეტის, სოფელ ახალსოფელში ავტოსაგზაო შემთხვევას ერთი ადამიანი ემხვერპლა.
Imedinews-ის ინფორმაციით, „ოპელის“ მარკის ავტომობილის მძღოლმა საჭე ვერ დაიმორჩილა და ბეტონის კონსტრუქციას დაეჯახა. შეჯახების დროს მიყენებული მრავლობითი დაზიანების შედეგად მძღოლი ადგილზე გარდაიცვალა.
წინასწარი ინფორმაციით, ავარიის მიზეზი გადაჭარბებული სიჩქარე გახდა. მომხდარზე გამოძიება ტრანსპორტის მოძრაობის, ან ექსპლუატაციის წესის დარღვევის მუხლით დაიწყო.
კომენტარები