უშიშროების გენერალ-მაიორი ილია ნარიმანიძე გარდაიცვალა, ამის შესახებ ინფორმაციას სდსს ვეტერანთა კავშირი ავრცელებს.
“სდსს ვეტერანთა კავშირი ღრმა მწუხარებას გამოთქვამს
საქართველოს სახელმწიფო დაცვის სპეციალური სამსახური
ს (სდსს) ოპერატიული სამმართველოს პირველი უფროსის, უშიშროების გენერალ-მაიორის, ილია ნარიმანიძის გარდაცვალების გამო და სამძიმარს უცხადებს გარდაცვლილის ოჯახს.
გენერალ-მაიორი ილია ნარიმანიძე იყო ოპერატიული მიმართულების ხელმძღვანელი სდსს დაარსების პერიოდში. წლების განმავლობაში იგი ღირსეულად მსახურებოდა სდსს და უშიშიროების ორგანოებში, სახელმწიფო უსაფრთხოების გაუმჯობესებისათვის.
გენერალ-მაიორი ილია ნარიმანიძე სდსს ვეტერანებს გვემახსოვრება, როგორც უწესიერესი და პროფესიონალი ადამიანი, იმ თავდადებული შრომისათვის, რომელიც მან ახალბედა ქართული სპეციალური სამსახურის ჩამოყალიბების საქმეში გასწია.”-ნათქვამია სამძიმრის წერილში.
საინფორმაციო სააგენტო “ექსკლუზივ ნიუსი” უსამძიმრებს გარდაცვლილის ოჯახს და მწუხარებას გამოთქვამს გენერალ-მაიორის გარდაცვალების გამო.