საქართველოს ადგილობრივ თვითმმართველობათა ეროვნული ასოციაციის (NALAG) ვიცე-პრეზიდენტმა გიორგი ტყემალაძემ, ევროპის საბჭოს ადგილობრივ და რეგიონულ ხელისუფლებათა კონგრესის სოციალისტების, მწვანეებისა და პროგრესული დემოკრატების პოლიტიკური ჯგუფის შეხვედრაში მიიღო მონაწილეობა.
“დღეს ევროპის საბჭოს ადგილობრივ და რეგიონულ ხელისუფლებათა კონგრესის სოციალისტების, მწვანეებისა და პროგრესული დემოკრატების პოლიტიკური ჯგუფის შეხვედრაში მივიღე მონაწილეობა, რომელიც ონლაინ რეჟიმში გაიმართა.
შეხვედრაზე ჯგუფის 2020 წლის ბიუჯეტის ანგარიში მოვისმინეთ და მარტში დაგეგმილი მე-40 პლენარული სესიის მოსამზადებელი საკითხები და პოლიტიკურ ჯგუფებთან გასაფორმებელი შეთანხმებების პროექტები განვიხილეთ. გარდა ამისა, ჯგუფის ახალი პრეზიდენტი და ბიუროს წევრები ავირჩიეთ და კონგრესის არჩევნებისთვის კანდიდატები დავამტკიცეთ”, – წერს გიორგი ტყემალაძე.