ჟურნალისტი მერაბ მეტრეველი სოციალურ ქსელში კოვიდ ვაქცინაციაზე პოსტს აქვეყნებს, სადაც აღნიშნავს, რომ ჩუნური ვაქცინის შემოტანის შემთხვევაში, ის ადამიანები გაიკეთებენ აცრას ვისაც სურს, ხოლო ისინი, ვინც ჩინურ ვაქცინას უნდობლობას უცხადებენ, სხვა ქვეყნის წარმოებულ ვაქცინას დაელოდებიან.
ჟურნალისტს საქართველოზე უფრო ძლიერი ჯანდაცვის სისტემის მქონე ქვეყანა მაგალითად მოჰყავს და აღნიშნავს, რომ თურქეთში ვაქცინაცია ჩინური ვაქცინით მიმდინარეობს. მისი ინფორმაციით, ქართველები დუბაიში ჩინური ვაქცინის გასაკეთებლად მიფრინავენ კიდეც.
“ვერ გავიგე, ეს ჩვენი ხელისუფლება რატომ დაკომპლექსდა ასე ჩინურ ვაქცინაზე? თურქეთს ჩვენზე ათჯერ ძლიერი ჯანდაცვა აქვს, ქართველები იქ დადიან სამკურნალოდ და თუ თურქეთმა შეიტანა და დაიწყო ჩინურით აცრები, ჩვენ რატომ არ გვეკადრებოდა?
თან ეს ვაქცინაცია სავალდებულო ხომ არაა? შემოიტანე, ყველა ინფორმაცია ამ ვაქცინაზე მიაწოდე მოსახლეობას და ვისაც არ მოუნდება, არ გაიკეთებს და დაელოდება სხვა ვაქცინას, ვისაც მოუნდება, გაიკეთებს.
გასაგებია რომ ოპოზიცია ყვირილს დაიწყებდა, მაგრამ რა, ახლა არ ყვირიან?
ვიღაცები წერენ, ქართველები დუბაიში დაფრინავენ რომ ჩინური ვაქცინა გაიკეთონო.” – წერს მერაბ მეტრეველი.