პარლამენტის იურიდიული კომიტეტის თავმჯდომარე, ანრი ოხანაშვილი, მისი სიმამრის ქონების შესახებ ტელეკომპანია „ფორმულასა“ და „მთავარ არხზე“ გასულ სიუჟეტებს გამოეხმაურა.
„ეს ყველაფერი არის პარტიული ტელევიზიების მიერ მიზანმიმართული კამპანია, რომ სცადონ საზოგადოება შეცდომაში შეიყვანონ. ჩემ ოჯახს, ჩემს სიმამარს სახელმწიფოსგან არც ფულის სანაცვლოდ და არც უსასყიდლოდ არანაირი მიწის ნაკვეთი არ მიუღია. ეს ყველაფერი, რასაც ამბობენ, ტყუილია. მე ვთავაზობ, წარმოადგინონ დოკუმენტაცია, თუკი ისინი თუნდაც ერთ საეჭვო კანონსაწინააღმდეგო დოკუმენტს დაადასტურებენ, მე რა თქმა უნდა, მზად ვარ დაუყოვნებლივ დავტოვო როგორც კომიტეტის თავმჯდომარის პოზიცია ასევე საპარლამენტო მანდატი. ვინაიდან ჩემთვის კატეგორიულად მიუღებელია ადამიანი მუშაობდეს შელახული რეპუტაციით და წარმოადგენდეს ხალხს“, – განაცხადა ოხანაშვილმა.