კორონავირუსის ახალი შემთხვევების მკვეთრი მატების გამო, თურქეთი შეზღუდვების გამკაცრებას გეგმავს. ინფორმაციას ამის შესახებ სააგენტო Reuters-ი თურქეთის მთავრობაში წყაროზე დაყრდნობით ავრცელებს.
ახალი შემთხვევების რაოდენობის მაჩვენებლით, თურქეთი მსოფლიოში მეოთხე ადგილზეა. სამთავრობო წყაროს განცხადებით, ნორმალიზაციის ხანმოკლე პერიოდმა კარგად ვერ ჩაიარა.
„როგორც ჩანს, გამოსავალი მხოლოდ უფრო მკაცრი ზომების მიღებაა“, – აღნიშნა წყარომ.
არსებული ინფორმაციით, შეზღუდვების გამკაცრება შეიძლება შეიცავდეს საქალაქთაშორისო მოგზაურობის შეზღუდვას, 20 წლამდე და 65 წლის ზემოთ ასაკის პირთა გადაადგილების შეზღუდვა და სპორტული და დასასვენებელი ობიექტების დახურვა.
კომენტარები